Uganda’s Parliament/ AP Photo/Ronald Kabuubi

Ssebo honourable,

Abatuuze bantumye.

Batuusa okusiima kwabwe.

Bagamba webale.

Omukama akuddizewo.

Ensonga obadde ozikutte kannabwala.

Ekiri ebule n’ebweya kiwawaza amatu.

Basaba kireme kutuuka wano.

Basaba tulemu kufa nga buwuka.

 

Mu ngeri y’emu bantumye.

Ekilwadde nga tekinaba kubanoga,

Enjala ya kubamalawo.

Emimmonde mu ttaka tegyabala,

Ebikata byakuza mitwe nga mmale.

Muwogo obuwuka bwamulya,

Ebikoola n’embuzi tezisobola kubigaya.

Emmwanyi twalitunze naye emiti mikalu.

Omuwemba n’obulo obunyonyi bwa bimalako.

Omuceere entobazi bazizimbamu amakolero,

Ku lukalu tegwadda bulungi.

Omunaku kaama naye ne kaama takyalanda.

Alandire wa omusana omwelere?

 

Ssebo honourable,

Amatooke abanyaguluzi baganogera ku mugogo,

batulekera bikolokomba.

Obukoko,

Obubuzi,

Obuliga,

Byonna batwala nga abawangudde akalulu.

Tetusobola kufuluma kutaasa.

Abakuuma ddembe omuggo bakuba gwa katale.

Ettaka kkalu telikyabaza mmere.

Obujanjalo tusimba bufu.

Ebinyebwa twabivako.

Emimmonde tulilrako ssunsa na ttimpa.

 

Ssebo honourable,

Twawulira ku mmere egabwa.

Ewaffe tesange malalo?

Okunaaba engalo zzo  tunaaba,

Naye eky’okulya tewali.

Abakyala bazinaba kuzisonseka baana mu kamwa.

Amata mu mabere gaggwamu,

Ag’ente nago tegakyesigika.

Atuma omukulu tamagamaga,

Naye nange nzikiriza ntume,

Tusaba tulowozebweko!

Join our mailing list

We promise to only send you great stories you might have missed once a week.

You May Also Like

Leadership lessons from a Pandemic

The coronavirus pandemic has taught us much about the unpredictability of life but even more, about the current technological changes and the abrupt adoption we have had to make

Heavy

In “Heavy” Rushongoza addresses our fears and anxieties as we stare deep down into the abyss of life in the middle of a corona virus pandemic

How Covid-19 Shall Lead Us to a World of New Possibilities

Facilitated mostly by air travel, tourism, strangely, will lead to a revival of the world economies that position themselves right

Jack Ma: Africa is the Future of e-Commerce. And Young Africans hold the Keys

Jack Ma reiterated his confidence in the youth whom he said, had huge potential to boost emerging markets to develop Africa.